Maguindanaon
Surah Al-A'la ( The Most High ) - Aya count 19
سَبِّحِ ٱسْمَ رَبِّكَ ٱلْأَعْلَى ﴿١﴾
Tasbih ka sun gala nu kadnan nengka a mapulu.
ٱلَّذِى خَلَقَ فَسَوَّىٰ ﴿٢﴾
Sekanin (Allah) i minaluy a napabpalas.
وَٱلَّذِى قَدَّرَ فَهَدَىٰ ﴿٣﴾
Sekanin (Allah) i minukul andu tinumutulu.
وَٱلَّذِىٓ أَخْرَجَ ٱلْمَرْعَىٰ ﴿٤﴾
Sekanin (Allah) i napambwat kanu mga utan.
فَجَعَلَهُۥ غُثَآءً أَحْوَىٰ ﴿٥﴾
Binaluy nin i nagangu a malupat.
سَنُقْرِئُكَ فَلَا تَنسَىٰٓ ﴿٦﴾
Batyan nami salak (Muhammad) na dili nengka kalipatanan.
إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ ﴿٧﴾
Nya tabya na kahandan nu Allah, ka katawan nin su mpayag-masulan.
وَنُيَسِّرُكَ لِلْيُسْرَىٰ ﴿٨﴾
Pakalamwan nami seka sa lalan a mapya.
فَذَكِّرْ إِن نَّفَعَتِ ٱلذِّكْرَىٰ ﴿٩﴾
Pangindaw ka sa ambalaguna a indawan.
سَيَذَّكَّرُ مَن يَخْشَىٰ ﴿١٠﴾
Nya ma-indaw na su magilak.
وَيَتَجَنَّبُهَا ٱلْأَشْقَى ﴿١١﴾
Andu sanggila sa indawan su darwaka.
ٱلَّذِى يَصْلَى ٱلنَّارَ ٱلْكُبْرَىٰ ﴿١٢﴾
Antu bas u makaludap sa naraka.
ثُمَّ لَا يَمُوتُ فِيهَا وَلَا يَحْيَىٰ ﴿١٣﴾
Mawli na di minatay (andu makatana) atawka dili makambibyag (andu agkapya).
قَدْ أَفْلَحَ مَن تَزَكَّىٰ ﴿١٤﴾
Saben-sabenal a naka-untung su mid-sutti.
وَذَكَرَ ٱسْمَ رَبِّهِۦ فَصَلَّىٰ ﴿١٥﴾
Andu linabit nin su Allah a mid-sambayang.
بَلْ تُؤْثِرُونَ ٱلْحَيَوٰةَ ٱلدُّنْيَا ﴿١٦﴾
Ugayd na ibalabi nu su kawyag sa dunya.
وَٱلْءَاخِرَةُ خَيْرٌۭ وَأَبْقَىٰٓ ﴿١٧﴾
Su akhirat i labi i kapya nin andu dala tadtab nin.
إِنَّ هَٰذَا لَفِى ٱلصُّحُفِ ٱلْأُولَىٰ ﴿١٨﴾
Saben-sabenal a nalabit kanu kitab a nawna.
صُحُفِ إِبْرَٰهِيمَ وَمُوسَىٰ ﴿١٩﴾
Lu kanu kitab ni Ebrahim andu si Musa.
English
Chinese
Spanish
Portuguese
Russian
Japanese
French
German
Italian
Hindi
Korean
Indonesian
Bengali
Albanian
Bosnian
Dutch
Malayalam
Romanian